Entertainment News
തെലുങ്ക് സൂപ്പര്താരം രാം ചരണ് നായകനായി അഭിനയിച്ച പാന് ഇന്ത്യന് ചിത്രമായ 'പെദ്ധി' ബോക്സ് ഓഫീസില് വമ്പൻ വിജയമാണ് കൊയ്തത്. ചിത്രം നേടിയ ആഗോള ഗ്രോസ് കളക്ഷന് 400 കോടി കടന്നു എന്നാണ് നിര്മ്മാതാക്കള് ഔദ്യോഗികമായി പുറത്ത് വിട്ട കണക്കുകള് പറയുന്നത്. അതോടൊപ്പം ഈ വര്ഷം ഒരു തെന്നിന്ത്യന് സിനിമ നേടുന്ന ഏറ്റവും വലിയ ആഗോള കളക്ഷന് കൂടെയാണ് ഈ ചിത്രം സ്വന്തമാക്കിയത്. ഇപ്പോഴിതാ ചിത്രം ഒടിടിയിലേക്ക് എത്തുകയാണ്.
ജൂലൈ 9 മുതൽ ചിത്രം സ്ട്രീമിങ് ആരംഭിക്കും. നെറ്റ്ഫ്ലിക്സിലൂടെയാണ് ചിത്രം ഒടിടിയിലെത്തുന്നത്. രാം ചരണിന്റെ കരിയറിലെ തന്നെ ഏറ്റവും വലിയ സോളോ ഹിറ്റായി ചിത്രം മാറിക്കഴിഞ്ഞു. ദേശീയ അവാര്ഡ് ജേതാവ് ബുചി ബാബു സന സംവിധാനം ചെയ്ത ചിത്രം വൃദ്ധി സിനിമാസിന്റെ ബാനറില് വെങ്കട സതീഷ് കിലാരു ആണ് നിര്മ്മിച്ചത്. മൈത്രി മൂവി മേക്കര്സ്, സുകുമാര് റൈറ്റിങ്സ് എന്നിവര് ചേര്ന്നാണ് ഈ ബിഗ് ബഡ്ജറ്റ് ചിത്രം അവതരിപ്പിച്ചിരിക്കുന്നത്. തെലുങ്ക് സംസ്ഥാനങ്ങളില് ഗംഭീര കുതിപ്പ് തുടരുന്ന ചിത്രം, ഇന്ത്യക്കു പുറമേ വിദേശത്തും വമ്പന് പ്രതികരണമാണ് നേടിയത്. ഓവര്സീസ് ഗ്രോസിലും ചിത്രം റെക്കോര്ഡ് സൃഷ്ടിക്കുമെന്നാണ് റിപ്പോര്ട്ടുകള് വരുന്നത്. ചിത്രത്തിന്റെ മലയാളം, തമിഴ് പതിപ്പുകള് കേരളത്തിലും തമിഴ്നാട്ടിലും പ്രദര്ശനത്തിന് എത്തിച്ചിരിക്കുന്നത് തിങ്ക് സ്റ്റുഡിയോസ് ആണ്.
Aata marocchu kaani, monagadu mathram maradu 😎🔥 pic.twitter.com/zOPAtF6Mdl
കന്നഡ സൂപ്പര്താരം ശിവരാജ് കുമാറും ചിത്രത്തിന്റെ താരനിരയിലുണ്ട്. രാം ചരണ്- ശിവരാജ് കുമാര് ടീം ആദ്യമായി ഒന്നിച്ചെത്തിയ ചിത്രം കൂടിയാണിത്. മെഗാ ബഡ്ജറ്റില് ഒരുക്കിയ ചിത്രത്തില്, ആക്ഷന്, ഡ്രാമ, റൊമാന്സ്, ത്രില്, വൈകാരിക നിമിഷങ്ങള് എന്നിവക്കൊപ്പം, ക്രിക്കറ്റ്, ഗുസ്തി, ഓട്ടം എന്നിവക്കും നിര്ണ്ണായകമായ സ്ഥാനം ഉണ്ട്. ബോളിവുഡ് താരം ജാന്വി കപൂര് ആണ് ചിത്രത്തിലെ നായിക. ബോളിവുഡ് താരം ദിവ്യേന്ദു ശര്മ, ജഗപതി ബാബു, ബോമന് ഇറാനി എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. പാന് ഇന്ത്യന് റിലീസായി തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിലാണ് ചിത്രം എത്തിയത്.
Content Highlights: After a blockbuster theatrical run with over ₹400 crore in box office collections, Peddi is gearing up for its OTT debut. Here's the streaming date and what audiences can expect.